Bang Media
Funniest Youtube Videos

Igitsina

Friday, February 1, 2008

IGITUBA, UMUGORE N'UBWIZA II: MBESE INZOBE NI BWO BWIZA



Abagore n'abakobwa benshi ndetse n'abagabo benshi kuba inzobe ari bwo bwiza. Mbese byaba ari ukuri cyangwa ni ikinyoma? Igisubizo ni uko ari ukuri kandi kikaba n'ikinyoma!

Mu by'ukuri umukobwa ufite isura nziza akaba n'inzobe bigira akarusho nta we ubihakana. Ariko nta n'uwahakana ko habaho abagore n'abakobwa beza ku isura birabura. Ntarashaka najyaga nkunda abakobwa birabura, bagenzi banjye bakandwanya. Aho nshakiye bakambaza "bati kuki wahisemo Nyiranaka uretse Nyiranaka w'inzobe?" nti "Namuhitiyemo ko yirabura." Igisa neza n'igisa nabi nta wabihitiramo undi biterwa na buri muntu. Abasebya inzobe-ibikara byifuza kuba inzobe bivuga ko inzobe zinnya mu nzu. Nubwo umwanditsi ari inzobe, sinkina ikarita y'inzobe kuko uburyo abakobwa bakeneyemo kubamo inzobe uyu munsi biteye ubwoba n'agahinda! Hari n'abifuza kuba abazungu ari abirabura. Ndabivuga kubera uburyo ki abakobwa bamariye amafaranga mu miti yo kwitukuza nka Movate, Lemovate, Fair and Lovely, n'indi. Ushobora kuvuga uti "ni amafaranga yabo si ayawe". Ikibazo si aho kiri. Muri Afurika abenshi ntitujijukiwe cyane n'ibyo bintu bya chimie, abagore n'abakobwa iyo miti yarabababuye, abandi yabateye ibiheri mu maso n'agasura gake bari bafite yaragahetse. Hari uwo nari nzi arwazarwaza ku gasura amaze kugura no kwisiga imiti yo kwitukuza asigara arwaye ibiheri byirabura mu maso ku buryo asigaye n'igikoko nta n'uwamunywera ho amazi! Abacuruza imiti yo kwitukuza bazi psychology y'abagore- nshimwe nshimwe imwe yakoboye a href="http://igituba.blogspot.com/2007/10/rugongo.html">Rugongo, ku buryo badatanga ingaruka mbi abakoresha imiti yo kwitukuza yatera. Hari n'amabandi mpuzamahanga akora iyo miti ya feke (itari iy'ukuri) akayikwiza ku masoko maze inkumi zacu zikayiraramo ngo zirahiga ubwiza. Uririra byinshi ukabura na duke wari ufite. Nigeze kubaza umukobwa umwe nti "mbese wowe kuki utitukuza" aransubiza ati "nzaguma uko imana yandemye", nsanga rero abakobwa bose atari bamwe hari abakoresha raison nubwo umutima ugira raison raison idashobora gusobanukirwa(Le coeur a ses raisons dont la raison n'entend rien).

Mu kurangiza, niba ushaka kwitukuza
baza muganga niba amavuta runaka nta ngaruka yagutera.

Abagore benshi bitukuza kubera ibyo bumva abagabo bavuga. Nigeze numva umugabo avuga ati "Ubu koko nzagire nte, umugore wanjye arirabura cyane?" N'umvse n'umusore agira ati "uriya mukobwa yari mwiza ariko akabije igikara".Ni ikibazo rero nasaba abagore n'abakobwa gutekerezaho kandi ntibajye bakunda guhubukira ibyo babonye byose batigengesereye. Birumvikana ibyo abagabo bategereje ku bagore ni byinshi ariko se ni ngombwa ko umugore cyangwa umukobwa batakaza ubuzima bwabo bagamboriye gushimisha?

No comments:

Post a Comment

Related Posts Plugin for WordPress, Blogger...